მეხუთე სესია სულ უფრო გვიახლოვდება და ჩვენც ვცდილობთ ყველაფერი მაქსიმალურად იყოს ორგანიზებული, რადგან თავისუფალი პარლამენტის ერთ-ერთი მთავარი მახასიათებელი სწორედ ორგანიზებულობაა.
ამჯერად გთავაზობთ სამუშაო დელეგაციებსა და დელეგაციის ხელმძღვანელების შესახებ ინფორმაციას, ვიფიქრეთ მსგავსი ინფორმაცია დაგეხმარებათ უკეთ გაიცნოთ დელეგაციის ხელმძღვანელები, რაც უფრო გაგიმარტივებთ მათთან ურთიერთობას უშუალოდ მუშაობისას.
ნინუცა აფციაური (ამერიკის დელეგაცია)
ვარ თბილისის თავისუფალი უნივერსიტეტის მეორე კურსის სტუდენტი. ვსწავლობ საერთაშორისო ურთიერთობებს, რაც უმნიშვნელოვანესად მიმაჩნია ზოგადად ცხოვრებაში. ჩემი აზრით, მთავარი ურთიერთობებია და ის თუ რა დამოკიდებულება გაქვს გარემოსთან. ჩემთვის საამაყოა წოდება, რომ ვიქნები საერთაშორისო ურთიერთობების სპეციალისტი. ჩემი კონცენტრაცია შორეული აღმოსავლეთია, კერძოდ, ვსწავლობ იაპონურ ენას. ბევრისთვის იაპონია მხოლოდ ეგზოტიკაა, ჩემთვის კი სამაგალითო ქვეყანა და ცივილიზაცია. ის მიზიდავს მთელი მისი კულტურით, ფილოსოფიით, საზოგადოების ბუნებით. იაპონიის განსაკუთრებულობა გამოიხატება მის დამწერლობაში. მიყვარს მისი სირთულე და უნიკალურობა.
ჩემს ჩართულობას თავისუფალ პარლამენტში, განაპირობებს ის ადრენალინი, რომელსაც ყოველ სესიაზე განვიცდი. ეს არის ემოცებისა და ძალების მოკრების უწყვეტი ორი–სამი დღე. თემები, რომლებსაც განვიხილავთ ყველაზე საინტერესოდ მიმაჩნია. ვფიქრობ, ეს არის უდიდესი გამოცდილება, რომელსაც ჩემს მომავალ პროფესიასა და საქმიანობაში განვახორციელებ. მინდა, ვმოღვაწეობდე ისეთ სფეროში, სადაც მსჯელობა მუდამ დაუკავშირდება იმას, თუ როგორ გავხადოთ თითოეული ადამიანისთვის ცხოვრება უკეთესი.
თავისუფალი დროის გატარება ყველაზე მეტად ჩემს პატარა დასთან ერთად მიყვარს. მისგან ძალიან ბევრ რამეს ვსწავლობ, რადგანაც ხშირად ბავშვები დიდებზე ჭკვიანები არიან. ასევე ძალიან მსიამოვნებს ჩემს იტალიელ მეგობრებთან ურთიერთობა და იმ დროის გახსენება, როცა იტალიურ სკოლაში ვსწავლობდი და რომის მითიურ უბნებში დავსეირნობდი.
დავით ჩიქოვანი (ამერიკის დელეგაცია)
პირადი ინფორმაცია:
დაბადების თარიღი: 21 თებერვალი 1992 წელი
დაბადების ადგილი: სოხუმი, საქართველო
ოჯახური მდგომარეობა: დასაოჯახებელი
განათლება:
ამჟამად სტუდენტი
სასწავლებელი:
კავკასიის უნივერისტეტი
კავკასიის სამართლის სკოლა
სპეციალობა:
სამართალმცოდნეობა
საქმიანობა:
2010 წლიდან დღემდე – კავკასიის სამართლის სკოლის სტუდენტთა სამეცნიერო საზოგადოების თანათავმჯდომარე
მიუხედავად იმისა, რომ საკუთარი თავი ყველაზე და ყველაფერზე მეტად მიყვარს, არ მსიამოვნებს საკუთარ თავზე საუბარი, ამიტომ ძალიან მოკლედ ვიტყვი: ვარ უბრალოდ (და არა უბრალო) დავით ჩიქოვანი… სხვა კუთხით სხვამ შემაფასოს :)
მარიამ მეგრელიშვილი (ევროპის დელეგაცია)
დავიბადე და გავიზარდე თბილისში, აქვე დავამთავრე სკოლა, რომელიც საუკეთესო ეპოქად რჩება დღემდე ჩემს ცხოვრებაში. ეხლა კი ვარ 20 წლის და ვსწავლობ თბილისის თავისუფალ უნივერსიტეტში საერთაშორისო ურთიერთობების ფაკულტეტზე კონცენტრაციით ახლო აღმოსავლეთი. ასევე ვწერ ხანდახან სტატიებს ჟურნალ „ტაბულაში“.
მომავალში ვგეგმავ, რომ გავხდე ჟურნალისტი, აუცილებლად წარმატებული და ჩემი საქმე აუცილებლად უნდა უკავშირდებოდეს არაბულ ენას, რომელსაც ეხლა ვსწავლობ უნივერსიტეტში. არაბული ენა ჩემთვის ცალკე სამყაროა, რომლის საფუძვლიანად შესწავლაც ერთ-ერთ მიზნად მაქვს დასახული. საბოლოო ჯამში კი ვისურვებ, რომ მივაღწევ ალ-ჯაზირაში კონფლიქტების ჟურნალისტად მუშაობას.
ზოგადად მხიარული ადამიანი ვარ, ხანდახან ზედმეტადაც კი. მიყვარს ჩემ მეგობრებთან ერთად ყოფნა, გართობა, ცეკვა და ა.შ. და კიდევ ძალიან მიყვარს მუსიკა და ექსტრემალური სპორტი. (თუ ჟურნალისტი ვერა მთასვლელი აუცილებლად გავხდები).
რაც შეეხება ჩემს მოღვაწეობას თავისუფალ პარლამენტში, მისი დაფუძნების დღიდან ჩართული ვარ პროექტში და ძალიან მიხარია რომ დღესდღეობით უკვე ბევრ წარმატებას ვაღწევთ. შეიძლება ითქვას, რომ თავისუფალ პარლამენტში მოღვაწეობა ერთ-ერთი ყველაზე მნიშნელოვანი პროცესია ჩემთვის ამ ეტაპზე.
ქეთევან ბრეგვაძე (ახლო აღმოსავლეთის დელეგაცია)
დავიბადე 1992 წლის 19 აგვისტოს. ვსწავლობ თავისუფალ უნივერსიტეტში, აზია-აფრიკის ინსტიტუტში,
საერთაშორისო ურთიერთობების ფაკულტეტზე, კონცენტრაციით-ახლო აღმოსავლეთი. ვსწავლობ
არაბულ ენას. ამჟამად ვარ მეორე კურსზე.
გარდა იმისა რომ ვარ სტუდენტი,
ვცდილობ უფრო ჩართული ვიყო ჩემს პროფესიასთან დაკავშირებულ საქმიანობებში, ასეთს კი
„თავისუფალი პარლამენტი’’ წარმოადგენს. თავისუფალ პარლამენტთან ჩემი კავშირი მისი დაარსების
დღიდან იწყება-თავიდან როგორც დელეგატის როლში, შემდეგ კი როგორც კომიტეტის თავმჯდომარე.
ამ პროექტმა უდიდესი გამოცდილება და ცოდნა მომცა.
ამჟამად ჩემი საქმიანობა მხოლოდ
და მხოლოდ სწავლითა და მეგობრებთან ერთად თავისუფალი პარლამენტის ორგანიზებით შემოიფარგლება,
რაც ერთ-ერთი საუკეთესო პროექტია. რაც შეეხება მომავლის გეგმებს, იმედი მაქვს, რომ საკუთარ პროფესიასთან ბევრად უფრო მჭიდრო კონტაქტი
მექნება დასაქმების მხრივ.
ალექსანდრე ჩარკვიანი (ახლო აღმოსავლეთის დელეგაცია)
ოცი წუთია ვფიქრობ, ღირს თუ არა უფრო მეტი დავწერო საკუთარ
თავზე, რადგან ვიცი ჩემი დაბადების თარიღი და სხვა წვრილმანები არაფრის მთქმელია შენთვის.
ალბათ უკეთესი იქნება, თუ ერთ საიდუმლოს გაგიმხელ: მაისში გარიჟრაღი ყველაზე სასიამოვნო
რამაა რაც კი შეგიძლია გამოსცადო. ერთხელ ცადე და მთელი ღამე არ დაიძინო. დრო საინტერესო
ადამიანების, მუსიკისა და წითელი ღვინის კამპანიაში გაატარე, მაგრამ არც მაშინ დახუჭო
თვალები, როდესაც ნაკადულიც კი დაიძინებს. ბუნება გაისუსება და მაშინ, როდესაც იფიქრებ,
რომ ყველამ დაიძინა, გაიგებ ჩიტების ჭიკ-ჭიკს. გამოაღე ფანჯარა და შეისუნთქე ცივი,
სუფთა ჰაერი ალუბლის ყვავილების სურნელით. გაიყინე და ყური მიუგდე შენს გულისცემას,
ბუნების ხმას და მეგობრების ხვრინვას. შეხედე ვარდისფერ აისს. მერე შენთვის მუსიკა
ჩართე, ცხელი ყავა დალიე და იფიქრე.
მიხვდები, რომ ბედნიერი ხარ...
თიკო მამუჩაშვილი (აფრიკის დელეგაცია)
დაბადების
თარიღი: 1992 წელი, 11 იანვარი
·
ასაკი: 20 წელი
·
ზოდიაქო: თხის რქა
·
ოჯახური მდგომარეობა: დაუოჯახებელი; მყავს ორი და
·
განათლება: დავამთავრე ბრიტანულ–ქართული აკადემია, ვარ
თბილისის თავისუფალი უნივერსიტეტის მეორე კურსის სტუდენტი
·
დამახასიათებელი თვისებები: ენერგიული, მოტივირებული,
მიზანდასახული
·
ჰობი: ფოთლებისა და ერთთეთრიანების შეგროვება; ცეკვა;
ცოცხალ კონცერტებზე დასწრება
·
დამატებითი ჰობი: ბევრი ფიქრი
·
საქმიანობა: უმუშევარი
·
სპეციალობა: საერთაშორისო ურთიერთობები; კონცენტრაცია
შორეული აღმოსავლეთი – იაპონია;
·
დამატებითი სპეციალობა: ბიზნესის მართვა და ფინანსები
·
ჩემი აზრით: „Everything will be okay in the end, if it is not okay, it’s not the
end“; “შრომა აკეთილშობილებს
ადამიანს”; „იყო ძლიერი კომფორტულია“;
„I am blissfully happy woman“.
·
მოგზაურობა: 2009 წლის აგვისტოში ვიყავი ინგლისში,
ლონდონში. ეს იყო ჩემი პირველი და ჯერჯერობით უკანასკნელი საზღვრის გადაკვეთა
·
ინტერესი: მოგზაურობა მსოფლიოს გარშემო და კარიბის ზღვის
მძევლობა
·
თავისუფალი პარლამენტი: ამ ორგანიზაციის აქტიობებში
პირველი სესიიდან ვარ ჩართული. ვიცი როგორია კომიტეტის ხელმძღვანელობაც და მისი წევრობაც.
თავისუფალ პარლამენტში ჩართულობა დამოუკიდებლობის შეგრძნებას მმატებს, უფრო მეტად მჯერა
ჩემი თავის და ჩემი მეგობრების, ვისთან ერთადაც სესიებში ვმონაწილეობ. ყოველი ასამბლეის
დასასრულს მჯერა, რომ შეგვიძლია სამყაროს სასიკეთო ცვლილება შევთავაზოთ და ჩვენი არსებობა
უბრალოდ ლამაზ მოგონებად კი არა, არამედ აზრიან შედეგად ვაქციოთ.
ნია ნამგალაძე (სამხრეთ-აღმოსავლეთ აზიის დელეგაცია)
დავიბადე
1992 წლის 12 აგვისტოს. დავამთავრე ქ.ქუთაისის
წმინდა ნინოს სახელობის მე–3 საჯარო სკოლა. მყავს დიდი ოჯახი და ძალიან კარგი მეგობრები.
ვსწავლობ თბილისის თავისუფალი უნივერსიტეტის აზიისა და აფრიკის ინსტიტუტში საერთაშორისო
ურთიერთობებს და არაბულ ენას.
მიყვარს ლიტერატურა, აღმოსავლური კულტურა, 70–იანი
წლების მუსიკა, კარგი კინო, ცეკვა, ბუნება, ცხოველები, ფეხბურთი და მადრიდის რეალი.
ვაგროვებ დადებით ემოციებს და ადამიანურ ურთიერთობებს. მიყვარს სიახლეები, ცვლილებები, ახალი ადამიანები,
საინტერესო თემები და იდეები. ამიტომაც ვარ თავისუფალ პარლამენტის დიდი ოჯახის წევრი
პირველივე სესიიდან. ერთი წელიც არაა, რაც ვარსებობთ და ამ მცირე დროში მოვასწარით
რამდენიმე განსხვავებული და მათ შორის საერთაშორისო პროექტის მომზადებაც. ყველაზე მეტად
ის მიხარია, რომ ჩვენც ვსწავლობთ, ვვითარდებით და ყოველი ახალი სესია უფრო უკეთესი
გამოგვდის ვიდრე წინა.
ნიკა ჟღერია (სამხრეთ-აღმოსავლეთ აზიის დელეგაცია)
დავიბადე თბილისში 1992 წლის 9 ნოებმერს (თუ არ მეშლება
3.9კგ ვიყავი). დავამთავრე 34–ე საჯარო სკოლა, იგივე „ქართული სასწავლებელი“. ვსწავლობ
თავისუფალი უნივერსიტეტის აზიისა და აფრიკის ინსტიტუტში საერთაშორისო ურთიერთობებს
ახლო აღმოსავლეთის კონცენტრაციით.
მყავს არც თუ ისე დიდი ოჯახი , რომელიც ძალიან მიყვარს. ასევე მიყვარს
მუსიკა, განსაკუთრებით ჯაზი. მიყვარს კალათბურთის თამაში , ცურვა და თხილამურები. ცხოვრებაში
ყოველთვის ვცდილობ ყველაფერს ოპტიმისტურად შევხედო და ყველაფერს რაღაც კარგი მხარე
ვუპოვო. გარდა ამისა ძალიან მიყვარს ჩემი თავი (ყველაზე და ყველაფერზე მეტად) რადგან
ვთვლი, რომ თუ შენი თავი არ გიყვარს მაშინ შეუძლებელია ვინმე შეიყვარო.
კარგ თვისებებთან ერთად მაქვს რამდენიმე ცუდიც , ერთ–ერთი მათგანი საშინელი
სიზარმაცეა,რომელთანაც გამუდმებით მიწევს ბრძოლა.
სალომე მაისურაძე (სესიის ვიცე-პრეზიდენტი, ევროპის დელეგაცია)
თავისუფალი უნივერსიტეტის ბიზნესის სკოლის მეორე კურსის სტუდენტი.
თავისუფალ პარლამენტში ჩემი მოსვლა შეიძლება ითქვას შემთხვევითობაცაა, რადგან რომ არა
რამენიმე კვირით ადრე ახალგაზრდული პარლამენტის სესია, მე არ გამიჩნდებოდა სურვილი
მსგავს პროექტში მიმეღო მონაწილეობა. ჩემ შესახებ
შემიძლია გითხრათ, რომ ვარ მხიარული და ამას
მაშინვე შემატყობთ, როგორც კი გამიცნობთ. მომწონს უცხო ადამიანებთან ურთიერობა და სიახლეები,
რომელიც ამ ურთიერთობებს მოაქვს. ბავშვობიდან მომწონდა ქართული ცეკვები და არ მიყვარდა
ფორტეფიანოზე დაკვრა. სკოლაში მიყვარდა მათემატიკა და არ მიყვარდა გეოგრაფია. საყვარელი
წიგნია „სამი მეგობარი“. მიყვარს ექიმები, მათი პროფესია, მაგრამ ჩავაბარე ბიზნესის
ადმინისტრირების ფაკულტეტზე, რომელიც არანაკლებ მაინტერესებს და არ ვნანობ ამ გადაწყვეტილებას, რადგან ვხვდები
რომ იქ ვარ სადაც მართლაც მინდა რომ ვიყო. არ მიყვარს დროის უქმად გაფლანგვა და სულ
ვცდილობ რომ რაიმე საქმე მქოდნეს, თუნდაც დასვენების დროს სულ რაღაც პროექტებში მინდა
მონაწილეობის მიღება.
ნიკოლოზ ჩარკვიანი (სესიის პრეზიდენტი, აფრიკის დელეგაცია)
დავამთავრე მე-18 საჯარო სკოლა, ვარ თავისუფალი უნივერსიტეტის სტუდენტი. სწორედ ის, რომ დღეს მე
თავისუფალი უნივერსიტეტის სტუდენტი ვარ, ვფიქრობ ჩემი ერთ-ერთი მთავარი მიღწევა
და წარმატებაა ჯერ-ჯერობით.
ვფიქრობ
და ვხვდები რომ ჩემ თავზე მარტო კარგი რაღაცები მახსენდება :) ვარ აქტიური, კომუნიკაბელური
(მაღალი, სიმპათიური, წარმოსადეგი, პერსპექტიული ახალგაზრდა :D). მიყვარს მუსიკა, არაბული
კულტურა და ბევრი სიარული. ბოლო ისე ძალიან მიყვარს, რომ მეგობრებთან ერთად “მარათონის
დღეს” აღვნიშნავ.
ჩემი
ოცნებაა თითქმის ყველა არაბულ ქვეყანაში მოგზაურობა, ადგილობრივი კულტურისა და ხალხის
ახლოს გაცნობა. ძალიან მინდა არაბულ ბაზარში ბევრი სიარული და ცხელი ჩაის დალევა.
რაც
შეეხება თავისუფალ პარლამენტს, ვფიქრობ რომ დღეს სტუდენტებში ასე თუ ისე ცნობადი სახელია
და ძალიან მიხარია, რადგან მისი დაარსების დღიდან ვარ გუნდის აქტიური წევრი.
როგორც
სესიის პრეზიდენტი, ვიტყოდი, რომ მართლაც იდეალური გუნდი უკეთებს ორგანიზებას მეხუთე
სესიას და ვფიქრობ, ძალიან წარმატებული იქნება, თანაც როგორც ყოველთვის კვლავ განსხვავებული
ორგანიზაციის მუშაობის სიმულაციას გთავაზობთ.
როგორც აფრიკის დელეგაციის ხელმძღვანელი კი, ვიტყოდი, რომ ჩვენი დელეგაცია საუკეთესო იქნება
სესიაზე, მიუხედავად არსებული მძიმე ვითარებისა. ჩვენი ლოზუნგია: “აფრიკის დროა!!!”
