“რელიგიის როლი მსოფლიო პოლიტიკაში”
სემინარი გაგრძელდა 5 საათი და მოიცავდა რამდენიმე ეტაპს: მონაწილეებმა მოისმინეს მოწვეული სტუმრის, თავისუფალი უნივერსიტეტის პროფესორის, ქალბატონი თინათინ ქაროსანიძის ლექცია და თავისუფალი პარლამენტის ორგანიზატორთა პრეზენტაციები კონკრეტულ რეგიონებთან დაკავშირებით. შემდეგ დრო ჯგუფებში მუშაობას დაეთმო, ხოლო მოგვიანებით ჯგუფებმა თავისი ნამუშევარი პრეზენტაციების სახით წარმოადგინეს. უნდა ითქვას, რომ სტუდენტებმა ძალიან კარგად შეძლეს გაეაზრებინათ მათ წინაშე დასმული პრობლემები და მიუხედავად დროის სიმცირისა არაჩვეულებრივი პრეზენტაციები მოამზადეს.
შედეგად ყველა მონაწილემ თემასთან დაკავშირებული ბევრი ახალი რამ შეიტყო, გაიღრმავა ცოდნა და მიიღო გამოცდილება, რომელიც მომდევნო სესიაში გამოადგება. მადლობას ვუხდით ყველას, ვინც ინტერესი გამოიჩინა სემინარის მიმართ. თავისუფალი პარლამენტი სამომავლოდ კვლავ გეგმავს მსგავსი ღონისძიებების ჩატარებას. ვიმედოვნებთ მომავალშიც ასეთი აქტიურები იქნებით.
გისურვებთ წარმატებას!!!
No comments:
Post a Comment